又撞正郭天王既戲，好唔好睇其實很主觀，不過生果報是日某段專欄寫得全面透切，大家有興趣可以參考一下。
此片一大特色，極多主角（包括其他角色）面部大特寫，例如，有蔣志光聽到郭天王向其說出 clean team（廉署外借協助查案的李治廷）藏身地方，蔣的左下眼臉輕輕的戚左一下，梁家輝係其中一個情節也有同樣的表情，仲係雙下眼臉一齊微戚，原來是有關心理學的表情反應，日常最經常見的例子，就係當一個人忙於與人辯論時，不停眨眼，反影出此人腦子在諗計將詞理美化並務求將對方或聆聽者收服，而另一個是魔術師表演時會用上的，例如叫參與者記住一張啤牌，然後魔術師在估牌過程中，近距離觀察參與者面部不自覺的微反應，所以很多 poker高手會練習令自己習慣冇表情同身體語言，在比賽時，黑超口罩出盡法寶，務求你睇我唔到，你睇我唔到。。。
不經不覺由戲離題講左賭，回歸此戲，有一個鏡頭小妹最反感，梁家輝拿起兒子送的眼鏡連盒，盒裡大大個品牌 logo, 破壞哂整套劇戲味，一如劇中所講。。最成功的失敗。還有堂堂處長一哥親手押犯落港鐵，竟然冇市民察覺。。另一最成功的失敗。
拍攝技巧，戲力，創意或思維，尼啲咁專業既題目留俾專業人事講，小妹作為一個普通水準的觀眾，觀看後只有一個感想，周潤發呢類精英貴族，隨著97後買少見少，餘下各式各樣的人才則精奇參差，郭處長向大眾說一人負上所有法律責任，這個不可能在現實出現的高官，相信係編導希望給觀眾一個夢吧。
ENJOY U LIFE 