係錫口玩左一陣，又去下個目的地，台北101，查實101商場同其他商場沒大分別，同模樣的名店沒特色可言，小妹一行人並沒有上樓頂睇景，小妹本人反而覺得101本身外觀就很美。
一入商場大堂便有手信櫃位，幾位同事急不及待搜購，小妹當然唔執輸啦，香港同事話陳允宝泉的太陽餅好食，還落左代購order，太陽餅及其他手信帶回公司後被分得一乾二淨，煌蟲滿地。。。不過小心有山寨版叫保泉的太陽餅，包裝也十足相似。。。
完成101手信任務，路經一間連鎖店NET大減價，港紙一百一條女裝西褲，男裝T恤百五有三件，還有其他衣服也極平，香港已難有尼個價錢啊。
shopping完，同烏來行山team群組上商量，大家晚上去士林walk walk，於是 shopping team打的回飯店梳洗休息。
台北亱市多人情況如同香港年宵差不多，走失人都幾難搵得番，唔熟路最好緊跟大隊，或備電話同約定最後集合點。
和同事們第一站即到忠誠號醫肚，蚵仔煎，蝦仁煎，臭豆腐，魯肉飯，花枝焿，青菜，點好食？有空去一趟試下吧。
不過提一提，價錢雖平，但份量不多 ，人多可考慮多點一份。到士林當然唔會只食咁少啦，於是跑到地下美食區，美食區依樣人山人海，見近門口既大餅包小餅大排長龍，
小妹便羊群心理冇蝕底，食左半個花生味大餅包小餅，
差不多胃痛了，小妹胃口細，唯有投降，行街去。。。然後，熟路的同事們還介紹海友十全排骨同建發號大大碗豆花，
小妹下次再到士林，必定唔會放過！臨離開前，同事買下豬肉片做手信， 不過小妹覺得士林街檔果間賣相一般，類同有一牌子叫快車肉乾的豬肉片，亦係手信佳選。
ENJOY U LIFE 