話說，小妹公司喜歡攪團隊活動，每年都津貼小小旅費俾員工（條件要最少十名員工參加同經旅行社報名）,不過小小旅費除大陸幾日美食遊，都真係唔知可以去到邊，所以員工多數要貼一（舊）錢出黎參加，不過雞肋津貼有好過冇，小妹今年就參加台北自由行。
因資助有限，同埋要照顧年資短既同事個銀包，機票同旅店都係選擇左cheap cheap的，晚機去晚機返，三日三亱行程，有O嘴有開心，之後同大家一一分享。
先講從香港出發，係公司5點鐘放工即趕去機場搭20：10機，同事們商量係九龍灣call gogovan定坐mtr到東涌轉車，最後分左兩group人，唔怕塞車既當然call車直去機場，五人價錢約$175，小妹就跟怕塞車的大隊，搭乘mtr轉車S1巴士，最後mtr隊去到機場，貨van隊剛好在航空公司登機櫃檯排隊，就排在mtr隊前，經實驗證明，放工繁忙時間call車不算得快上好多，唯好處就係唔駛攞住行李轉車。
飛機係中華航空747型號，全機滿座，起飛冇耐，機長就廣播遇上極不穩定氣流，要全機人坐定定，小妹都覺得是次航班真係chock，飛機餐只得一個紙袋，内裡有豬排飽，餅乾同清水一枝。。平安到達桃園機場，台北有兩個機場，一個桃園TPE，一個松山TSA，小妹在台北睇新閒發覺原來有不少人跑錯機場，因為台北是在松山尼。初到埗真不爽；要等候停機坪落客。。。好了，等待良久才可落機，還要滾水淥腳搵地方出電話卡同悠遊卡（台灣八達通）。
還好悠遊卡在任何便利店有售，但電話卡就。。。中華電信慢到冇朋友，小妹是晚若非趕時間搭車，真係唔會買。。。最後搭乘國光客運再轉計程車到位於西門町既旅店，已經零晨點幾，亱市也關門，又餓又攰的我們係台北第一餐就唯有在7-11搵食，一個合味道杯麵加自由配搭小食，多謝NTD103，joe go…
ENJOY U LIFE 