碰巧今個母親節，小妹正在台灣hea幾日，於是提前慶祝，原本在某酒店訂了位，及後收到通知，該酒店生蠔出左問題，要暫停供應，buffet冇生蠔食總覺得不爽，唯有急忙補飛，最後搵到尖沙咀 Hotel Panorama既cafe express。
過往多年既母親節大餐多數在青山灣食海鮮，二千零至幾千蚊找數冇計錯，不過小妹覺得今年既buffet就平靚正，絕對係經濟客位既價格；商務客位既服務。
餐廳地方不大，尼一點係小妹最喜歡，點解？唔駛同咁多人迫攞，雖然食物陳設區細小，但總算齊全，如果目標專攻生蠔長腳蟹，這餐廳係不錯選擇。長腳蟹供應無間斷，唔駛要客等，蟹肉肥厚，好過很多酒店buffet，
生蠔今次有兩種選擇，一隻係法國fine de claire ，爽口帶甜，小妹胃口細，食左9隻咁上下，另一隻來自南非的Namibia，海水味不重，但算 creamy。
至於刺身；三文魚好肥美有鮮味，有頭甘蝦大大隻。烤肉眼牛排熟度剛剛好，口感豐富。另有牛油果南瓜蟹肉沙律，出奇的好味道，值得一試。
廚師還會親自送上媽媽都讚好既日本餃子，蝦多士，龍蝦，鵝肝，每人限量一份。4人價錢一千四百幾，無需團購既團購價，超值抵食！
最後，用餐完畢還可以向酒店職員要求上酒店40樓空中花園睇亱景，暗中一個貼士：帶備飲品坐係黑漆漆既有蓋花園談心，唔駛浪費金錢去酒吧再消費，又唔怕被途人打擾，尼個package冇得輸！
ENJOY U LIFE 