話說本網靚女版主whatsapp小筆：Ai ，你幾時出文呀？你好耐冇出文播。。
小筆：尼論冇去吃喝玩樂啊^_^
版主：咁你就諗下寫啲咩。。
小筆：未諗到啊^_^
版主：咁一係我出題目俾你，一係你自己諗題目寫。
版主傳來三個題目
題目一：平民打邊爐推介
題目二：再攰也要堅持定量活動
題目三：舞出真我
平民邊爐以吉野家今年有一個觸目推出嘅放題，大獲好評，小筆試一次後當然推介啦，一百幾十元貨仔大熱勝出冇上訴，可惜有火爐放題的分店只推出一兩間，日子亦不多，可能今年只想試試效果同反應，場內又有活動玩，獎品更是一盒士多啤梨tim,比起寫字樓區茶餐廳，一個普通午餐都要四五十元，所以吉野家放題絕對超值，而長期推出火鍋套餐嘅大家樂，80元有找連飲品，胃口唔大可以追加食品然後兩個人開心些牙，或者一人火鍋癮發作時，獨自去邊邊，小筆見街坊們更不時自備鯪魚肉，炸魚皮加餸，配搭豐富，唯一不足就係碗碟要抺乾淨才可用。
至於叫牛x牛y嘅專門店，小筆覺得唔係唔好，不過限時太短太急趕，小筆胃納速度實在趕唔上，況且有點懷疑每次點選既頂級牛會否被人用次級掉包，加上最次級嘅口感甚差， 所以甚少幫襯。如要食用較有質數牛肉，小筆情願選牛皇星的牛頸脊雙拼，雪花均勻細緻，口感嫩滑，味道甘香，俾多少少錢，物有所值，但星爺並非平民價，小筆在此文唔多講，免得離題。
如果要求唔高，百五元樓下任食火鍋放題選擇亦唔少，有加一服務費的大鍋口，身邊朋友多次推介，不過較難訂位，小筆到依家都無緣。冇加一嘅東城，大部份食材都排哂出黎，任食客自取，款式尚算多，部份如肉類等就要寫紙order，不過；說過任食嘅新鮮海蝦尼，就有點古古惑惑，通常只出一次，之後會好多藉口話俾你聽未有；等等；黎緊或者同事未預備好。
之但係，小筆會search一兩位笑容可恭的待應美女，然後好有誠意咁同美女講：靚女，可否幫忙搵碟蝦尼！美女們多數會好好人的親手俾一碟你，還會同你講聲：不好意思啊！不過尼一招在同一位美女身上最好只用一次，想再食就問下一位美女帥哥吧！平民價既經營策略就係咁，要吸客又要睇住成本，絕對明白。
食到肥嘟嘟再寫題目二：再攰也要堅持定量運動，幾有連貫性，留待下次再寫！
ENJOY U LIFE 