日前有酒樓部長被揭；死龍蝦換生龍蝦欺客，小筆亦曾在數間食肆領教過，就算食後發覺海鮮口感有所不同，在證物已死，無法對證下，心裡只能講：以後唔會再幫襯。
所以，食游水海鮮要選擇有信心保證地方，免得浪費食材加送一肚氣，上星期二就有前輩朋友提議一大班好友到屯門三聖食海鮮，小筆即動食指；在whatsapp群組加emoji回覆，gogogo。
前輩先在廣東名門訂位，留了一間貴賓房，當晚一到埗小筆即跟隨識食前輩到批發擋買海鮮，雖知海鮮有海鮮價，唔想做水魚當要學習一下啦！前輩二話不說走到發記海鮮搵义燒！
啊，原來store incharge哥哥叫义燒哥，前輩係熟客，又識食，當然快狠準地買這個，要那個，最重要同义燒哥講：平啲，要同我計平啲！小筆到海鮮擋強項非講價，而是最愛眼定定睇游水生物游來游去，感覺有如到了海洋館。
魚檔美女姐姐還代客送貨，批發到酒樓只一馬路之隔，非常方便。
朋友在貴賓房安頓後，當然天南地北一番，接下來是日劇本上場：
加拿大象拔蚌刺身切條
加拿大象拔入口味鮮
帶有非一般的Juicy感，值得一試
韓國長腳蟹兩食（花雕蛋白蒸蟹身，清蒸蟹腳）
蟹腳肉甜，唔洗沾任何醬料，夠鮮！
海彬斑兩食（炒球，蚊頭腩）
砵酒焗桶蠔
豉椒涼瓜炒蟶子皇米粉底
椒鹽瀨尿蝦皇
芝士脆皮焗龍蝦仔
薑蔥黑椒砂鍋鮑魚
其他還有豉油皇炒麵乾身，海鮮湯，汽水，生果，紅豆糕，糖水，
大家直搗龍皇宮後，大讚平靚正，消費每位總計$740，
這價錢飲喜酒還未夠做人情，已滿足到大家的義海豪情，
還有名門老闆㗎哥同美女們招待，朋友已經要約再 encore!
ENJOY U LIFE 